Panairi i Energjisë: VEGA Group prezanton vizionin energjetik të së ardhmes

VEGA Group, kompani lider në treg prej disa vitesh tashmë në fushën e energjisë së rinovueshme, me bazë në Shqipëri dhe veprimtari e projekte të rëndësishme të shtrira edhe jashtë kufijve, vjen si partner Platinum në Panairin e Energjisë, duke shtuar vlerë me përvojat dhe ekspertizën e saj.

“Panairi i Energjisë, Ndërtimit dhe Ekonomisë së Gjelbër” do të zhvillohet më datë 20-21 Nëntor me një fokus të veçantë në dinamikat aktuale të tregut dhe në vizionin e ardhshëm energjetik të vendit tonë, por edhe të gjithë planetit.

Për herë të parë VEGA Group do të prezantohet në Panair me katër kompanitë e saj; VEGA Energy, VEGA Solar, VEGA Electric dhe VEGA Charging do të jenë pjesë e Panairit, secila me shërbimet e saj të veçanta, që promovojnë dhe standardet më të fundit të cilësisë në fushat ku operojnë.
VEGA Charging, rrjeti më i madh i karikuesve për makinat elektrike do të prezantohet këtë vit me statusin e Partnerit Gold. Zgjerimi i VEGA Charging në treg ka qenë i shpejtë, duke iu përgjigjur një tregu në rritje në Shqipëri të makinave elektrike dhe atyre hibride.

Përgjatë ditëve të panairit do të trajtohen tema të rëndësishme si tranzicioni energjetik i Shqipërisë, implementimi i Agjendës së Gjelbër, zgjerimi i energjisë së rinovueshme etj. Pjesëmarrës në këto diskutime do të jenë CEO dhe bashkëthemeluesi i VEGA Group, Bruno Papaj, si dhe përfaqësues dhe ekspertë të kompanisë, të cilët do të ndajnë përvojën e tyre shumëvjeçare në industri

Vizitorët në këtë Panair do të kenë mundësinë të informohen në stenda rreth zhvillimeve më të fundit teknologjike në fushën e energjisë së rinovueshme, për përfitimet e shumta që vijnë me instalimin e sistemeve diellore në çatitë e banesave dhe njësive të biznesit apo ato industriale. Lehtësimi ekonomik dhe kthimi i shpejtë investimit mbetet një avantazh i madh për të gjithë ata që përqafojnë energjinë e rinovueshme, të cilët në mënyrë indirekte bëhen dhe kontributorë të zbutjes së ndotjes mjedisore, si dhe të së ardhmes së qëndrueshme të planetit.

Angazhimi përmes pjesëmarrjes në Panair si vizitor, do të jetë një mundësi e shkëlqyer për t’u informuar rreth një vizioni të ri energjetik që po përhapet me shpejtësi në të gjithë botën, por edhe për të gjetur zgjidhje të aplikueshme dhe të shpejta për nevojat tuaja personale apo për sipërmarrjet që zotëroni.

Vizitoni stendat e kompanive të VEGA Group dhe zbuloni mundësitë e reja për të kontribuuar në një të ardhme më të gjelbër, duke u bërë pjesë aktive e procesit të transformimit energjetik që po ndodh në Shqipëri dhe në mbarë botën.